Küçədə dəhşətli hadisə: Özünə lezva ilə zərər verən şəxs güllələnərək öldürüldü

Kocaelinin İzmit rayonunda 46 yaşlı Özgür Şahin jiletlə özünə xəsarət yetirib, ətrafdakı insanlara narahatlıq yaratdığı üçün aralarında mübahisə yaranıb.

Sonxeber.az türk mediasına istinadən xəbər verir ki, mübahisə zamanı Şahin odlu silahla vurularaq həyatını itirib. Hadisə ilə bağlı 3 nəfər polis tərəfindən saxlanılıb.

Hadisə axşam saat 22:00 radələrində Yenidoğan məhəlləsində, Derince prospektində baş verib. Əlində lezva olan Özgür Şahin özünə xəsarət yetirərək ətrafdakılara narahatlıq yaradıb. Onunla 3 nəfər arasında yaranan mübahisə qısa müddətdə davaya çevrilib. Mübahisə zamanı Şahin odlu silahla vurulub və yerə yıxılıb.

Əraziyə dərhal polis və təcili tibbi yardım əməkdaşları cəlb olunub. Yaralı Şahinə ilkin tibbi yardım göstərildikdən sonra o, İzmit Seka Dövlət Xəstəxanasına aparılıb. Lakin həkimlərin səylərinə baxmayaraq, onun həyatını xilas etmək mümkün olmayıb.

Polis hadisə ilə bağlı araşdırmaya başlayıb və şübhəli 3 nəfəri saxlayıb. Hadisə yerindəki bir avtomobilin ətrafı təhlükəsizlik zolağı ilə bağlanaraq araşdırmaya cəlb edilib. Polis hazırda həm avtomobildə, həm də prospektdə dəlil toplama işlərini davam etdirir.

Telegramda izləyin