Nişan pozulduqdan sonra aldığı qızılları satmaq istəyən bəy şoka düşdü

Türkiyədə nişanı pozulan bir şəxs təxminən 19 min manat (600 min TL) dəyərində aldığı qızılları satmaq üçün zərgərə müraciət edib. Lakin aldığı təklif onu təəccübləndirib — qızıllar üçün cəmi 15 min manat (477 min TL) təklif olunub. Aradakı 4 min manatlıq fərq sosial mediada geniş müzakirələrə səbəb olub.

Sonxeber.az türk mediasına istinadən xəbər verir ki, qızılları satmaq istəyən şəxsə cavab verən zərgər bildirib ki, həmin məhsullar bazar dəyərindən xeyli baha qiymətə alınıb:

"Məqsədim heç bir zərgəri pis vəziyyətə salmaq deyil, amma biz bu məhsulları bu qiymətə satmırıq", – deyə zərgər qeyd edib.

O, qızılların bazar qiymətindən yüksək məbləğə satıldığını vurğulayıb.

Mütəxəssislər xəbərdarlıq edirlər ki, investisiya və ya zinət məqsədilə qızıl alarkən sertifikatlı və Darphane istehsalı olan məhsullar seçilməlidir.

Bundan əlavə, işlənmə (əmək) dəyəri yüksək olan zinət əşyalarının satışı zamanı ciddi dəyər itkisinə səbəb ola bilər.

Telegramda izləyin