Metrodakı təcavüz hadisəsindən sonra qadın jurnalist üsyan etdi "Susmayın, danışın!"

Ankaranın Kızılay metrosunda gənc bir qadın, sıxlıqdan istifadə edən orta yaşlı bir kişinin təcavüzünə məruz qalıb. Gənc qadın hadisəni o anda fərqinə varmadan dayanacaqda düşüb. Hadisə anı isə başqa bir sərnişin tərəfindən mobil telefon kamerası ilə lentə alınıb.

Sonxeber.az türk mediasına istinadən xəbər verir ki, sosial mediada sürətlə yayılan görüntülər böyük rezonans yaradıb. Hadisəyə jurnalist Naz Yavuzarslan da reaksiya verib və qadının susqunluğunu tənqid edib.

Yavuzarslan sosial media hesabında paylaşım edərək belə yazıb:

"Qadın necə olur ki, bu manyaka reaksiya vermir? Mən bunu anlaya bilmirəm. Qiyaməti qoparmalı, onu orada biabır etməli. Artıq susmayın, xahiş edirəm susmayın! Bağırın, səs salın, bu rüsvayçılara susaraq fürsət verməyin"

Hadisə ictimaiyyətdə qadınlara qarşı zorakılıq və cinsi təcavüz mövzusunda yeni müzakirələrə səbəb olub. Sosial media istifadəçiləri hadisəni qınayaraq, ictimai nəqliyyatda təhlükəsizlik tədbirlərinin artırılmasını tələb ediblər.

Telegramda izləyin