Boğazları kəsilən gənclərin anaları: "Bəlkə ərimi də o öldürüb"

Türkiyənin Sivas şəhərində evlərində boğazı kəsilərək öldürülən Umutcan (22) və milli idmançı Melisa Şimşekin anası Ayşegül Şimşək ilk dəfə danışıb.

Sonxeber.az türk mediasına istinadən xəbər verir ki, Şimşək, cinayətdə təqsirləndirilən Hüseyn Sönməzin 5 il əvvəl itkin düşən ərinin yoxa çıxmasında da əli ola biləcəyini iddia edib:

"Ərim 5 il əvvəl onun evində yoxa çıxmışdı. Bəlkə onu da o öldürüb. O vaxt tutulmuşdu, amma cəsəd tapılmadı deyə buraxdılar. İndi gəldi, uşaqlarımı da məhv etdi."

Ayşegül Şimşək, qatilin "ağıl sağlamlığı pozulub" bəhanəsi ilə cəza almamaq istədiyini deyərək, "Uşaqlarımı geri qaytara bilmərəm, amma o, cəzasını almalıdır," – sözləri ilə ədalət tələb edib.

Telegramda izləyin