30 yaşlı qadın doğuşdan sonra çay içdi, həyatı kabusa döndü

İngiltərədə yaşayan 30 yaşlı Karina Vayt (Karina Whyte) ikinci övladını dünyaya gətirdikdən cəmi 10 gün sonra gözlənilməz sağlamlıq problemi ilə üzləşib.

Sonxeber.az türk mediasına istinadən xəbər verir ki, o, çay içərkən üzündə qəribə dəyişiklik hiss edib və əvvəlcə bunun allergik reaksiya olduğunu düşünüb. Lakin qısa müddət ərzində sol üz tərəfində hissiyyatın itməyə başlaması qadını xəstəxanaya getməyə vadar edib.

Həkim müayinəsi nəticəsində Karinaya üz iflici diaqnozu qoyulub. Mütəxəssislər bu vəziyyətin doğuş sonrası fiziki stres və immun sistemindəki dəyişikliklərlə bağlı ola biləcəyini bildiriblər. Gənc qadına 5 günlük kortizon müalicəsi tətbiq olunub, lakin üzünün sol tərəfindəki hərəkətsizlik tam bərpa olunmayıb.

Hazırda Vayt bəzi gündəlik vərdişlərini dəyişmək məcburiyyətində qalıb. O, gecələr göz qapağını tam bağlaya bilmədiyi üçün sol gözünü bantla bağlayaraq yatır. Həmçinin su və ya çay içərkən mayenin ağzından axmaması üçün dodaqlarını sıxmağa çalışır. "Bardağı ağzıma aparanda diqqətli olmalıyam, yoxsa hər yerə tökülür. Danışanda da səsim dəyişib, bir az peltek danışıram," – deyə o bildirib.

Karina Vayt, həm yeni doğulmuş körpəsinə, həm də yeriməyə başlayan böyük uşağına baxmaqla yanaşı, xəstəliyi ilə təkbaşına mübarizə aparır. Həyat yoldaşının dəstəyindən məhrum olan qadın bu vəziyyətin psixoloji cəhətdən onu çox yordğunu deyir:

"Onsuz da ana olmaq çətindir. Amma üzümün yarısını hiss etmədən, evdən çıxa bilmədən, danışmaqda çətinlik çəkərək uşaq böyütmək… bu, çox ağırdır," – deyə o qeyd edib.

Həkimlər Karinanın vəziyyətinin zamanla yaxşılaşa biləcəyini, lakin bunun üçün səbir və davamlı müalicə lazım olduğunu bildiriblər. Gənc ana isə nikbinliyini itirmir:
"Uşaqlarım üçün güclü olmalıyam. Gözümü bantlayıb yatmalı olsam da, heç vaxt təslim olmayacağam"

Telegramda izləyin