Hindistanda timsah çayda çimən qadını suya dartıb öldürdü - VİDEO

Hindistanın şərqində yerləşən Odisha ştatının Cacpur (Jajpur) bölgəsində dəhşətli hadisə baş verib.

Sonxeber.az xarici mediaya istinadən xəbər verir ki, Kharasrota çayında çimən 57 yaşlı Soudamini Mahala adlı qadına nəhəng timsah hücum edib. Görüntülərdə timsahın qadını ağzında tutaraq suyun içində sürüklədiyi anlar açıq şəkildə əks olunub.

Hadisə şahidlərinin sözlərinə görə, hər şey bir anda baş verib – timsah qəfil ortaya çıxaraq qadını tutub və sürətlə çayın dərinliklərinə doğru aparıb. Qadının köməyinə qaçan kənd sakinləri timsahın güclü çənəsi qarşısında aciz qalıb.

Hadisə yerinə polis və xilasedicilər cəlb olunub, Soudamini Mahalanın cəsədinin axtarışlarına başlanılıb. Gözətçi Naba Kidxor Mahala baş verənləri belə təsvir edib:

"Timsah qadını tutub aparanda biz dərhal suya atıldıq, amma onu xilas edə bilmədik."

Rəsmilər Kharasrota çayı və ətraf ərazilərdə timsah təhlükəsinə qarşı əlavə tədbirlərin görülməsinin vacibliyini bildiriblər. Hadisədən sarsılan kənd sakinləri isə bu faciəni uzun müddət unutmayacaqlarını deyiblər.

Bu hadisə, timsahların nə qədər təhlükəli və ölümcül ola biləcəyini bir daha göstərib.

Telegramda izləyin