19 yaşlı qız işlədiyi hoteldə doğuş etdi, körpənin meyiti tapıldı

Muglanın Bodrum rayonunda Qırğızıstan vətəndaşı, 19 yaşlı Janetta Ulukbek Kızı işlədiyi hotelin yataqxanasında doğuş edib.

Sonxeber.az türk mediasına istinadən xəbər verir ki, hadisə İçmələr bölgəsində yerləşən bir otel yataqxanasında baş verib. Bədənində qanaxma əlamətləri olan Janetta Ulukbek Kızı Bodrum Dövlət Xəstəxanasına müraciət edib. Müayinələr zamanı onun yaxın zamanda doğuş etdiyi müəyyən olunub. Məlumat polisə ötürülüb və xəstəxanaya əməliyyat qrupu göndərilib.

Polis sorğusu zamanı gənc qadın işlədiyi hotelin yataqxanasında doğuş etdiyini, körpəni dəsmala bükərək terrasda qoyduğunu etiraf edib. Əraziyə gələn polis və təcili tibbi yardım əməkdaşları körpənin artıq həyatını itirdiyini müəyyən ediblər.

Hadisə yerində aparılan araşdırmalardan sonra körpənin cansız bədəni Muğla Məhkəmə Tibbi Ekspertiza İnstitutunun morquna göndərilib.

Məlum olub ki, Janetta Ulukbek Kızı beş ay əvvəl Bodruma gəlib və oteldə otaq xidməti işçisi kimi çalışıb. Onun xəstəxanadakı müalicəsindən sonra polis tərəfindən saxlanılacağı bildirilib.

Faktla bağlı istintaq davam edir.

Telegramda izləyin