Yoxlanış zamanı həbsxanaya gətirilən şəxsin bədənində termos aşkarlandı

ABŞ-ın Florida ştatında bir məhbusun həbsxanaya aparılarkən üzərində aparılan rutin rentgen müayinəsi zamanı inanılmaz bir hadisə üzə çıxıb.

Sonxeber.az xarici mediasına istinadən xəbər verir ki, X-Ray cihazı, kişinin bədənində – omba hissəsindən qabırğalarına qədər uzanan iri və yad bir cismin olduğunu göstərib. Sonradan bu cismin termos olduğu müəyyən edilib.

Hadisə Polk County bölgəsində baş verib. 4 oktyabr şənbə axşamı polisə parkdakı ictimai tualetdə "çılpaq bir kişinin görüldüyü" barədə məlumat daxil olub. Əraziyə gələn polis əməkdaşları həmin şəxsi – 51 yaşlı Walter Fraimayrı geyimli vəziyyətdə tapıblar və o anda hər hansı cinayət əlaməti aşkarlanmadığı üçün sərbəst buraxıblar.

Lakin bir qədər sonra Fraimayr bu dəfə parkın yaxınlığındakı dəmir yoluna icazəsiz daxil olduğu üçün yenidən saxlanılıb. Onun üzərində aparılan axtarış zamanı içərisində narkotik qalıqları olan şüşə pipo tapılıb. Şəxs, 28 ildir narkotik istifadə etdiyini etiraf edib.

Fraimayr həbs edildikdən sonra prosedura uyğun olaraq həbsxanəyə aparılıb və burada vücut taramasından keçirilib. Rentgen müayinəsində onun bədənində böyük bir cismin olduğu müəyyən edilib. Daha sonra bu cismin termos olduğu ortaya çıxıb.

Hadisənin ciddiliyi səbəbilə Fraimayr dərhal xəstəxanaya aparılıb və həkimlərin cərrahi əməliyyatı nəticəsində termos uğurla çıxarılıb. Termosun içərisində hər hansı maddə olub-olmadığı açıqlanmayıb.

Polis əməkdaşlarına "mən udmadım" deyə cavab verən Fraimayr barədə əlavə ittiham irəli sürülməyib.

Hadisə ilə bağlı video paylaşan Polk County şerifi Qrady Cadd zarafatla bildirib:

"Adətən, narkotik maddələrin insanlara nələr etdiyini danışaram, amma bu, inanılmazdır. Walter, həbsxanaya narkotik deyil, termos salmağa çalışdı. Həm də ‘çıxış rampasından’!" – deyə o, hadisəni yumorla şərh edib.

Telegramda izləyin