Kişi keçmiş həyat yoldaşını silahla girov götürdü - VİDEO

Ankaranın Pursaklar rayonunda bir kişi keçmiş həyat yoldaşını silahla girov götürüb.

Sonxeber.az türk mediasına istinadən xəbər verir ki, hadisə Pursaklarda baş verib. Kimliyi açıqlanmayan şəxs, boş ərazidə keçmiş həyat yoldaşına silah tuşlayaraq onu girov götürüb. Ətrafdakıların polisə məlumat verməsi ilə hadisə yerinə hüquq-mühafizə və təcili tibbi yardım əməkdaşları cəlb olunub. Şübhəli bir əlində silah, digər əli ilə qadının qolundan tutaraq onu nəzarətdə saxlayıb.

Polis əməkdaşlarının səyləri nəticəsində kişi silahı yerə qoyaraq təslim olub. O, daha sonra saxlanılaraq polis bölməsinə aparılıb. Hadisə anı ətrafdakı şəxslər tərəfindən mobil telefonla qeydə alınıb. Kadrlarda şübhəlinin qadına silah tuşladığı anlar əks olunub.

Faktla bağlı araşdırma aparılır.

Telegramda izləyin