Tənəffüsdə dostları ilə oynayarkən halı pisləşən uşaq həyatını itirdi

Türkiyədə tənəffüs zamanı dostları ilə oynayarkən halı pisləşən 7 yaşlı Baturalp Çakmak xəstəxanaya aparılsa da, həyatını xilas etmək mümkün olmayıb.

Sonxeber.az türk mediasına istinadən xəbər verir ki, Mehmet Avdan ibtidai məktəbinin birinci sinif şagirdi olan Çakmak, dərs fasiləsində dostları ilə oynadığı vaxt qəfil yıxılıb. Uşağın yerə yıxıldığını görən məktəb rəhbərliyi dərhal 112 Təcili Yardım Mərkəzinə məlumat verib.

Hadisə yerinə gələn təcili tibbi yardım əməkdaşları ilkin tibbi müdaxilədən sonra Çakmakı təcili olaraq Beylikova Rayon Dövlət Xəstəxanasına aparıblar. Lakin həkimlərin səylərinə baxmayaraq, Baturalp Çakmakın həyatını xilas etmək mümkün olmayıb.

Uşağın dəqiq ölüm səbəbi Məhkəmə-Tibb Ekspertizasının rəyindən sonra müəyyən olunacaq. Baturalp Çakmakın cənazəsi Beylikova Yunus Əmrə məscidində keçirilən vida mərasimindən sonra rayon qəbiristanlığında torpağa tapşırılıb.

Telegramda izləyin