Millimiz Fransaya uduzdu - Yenilənib+Video

Bu gün Azərbaycan millisi DÇ-2026-nın seçmə mərhələsində 3-cü tur oyununa çıxacaq.

"Qafqazinfo" xəbər verir ki, Ayxan Abbasovun komandası Fransanın qonağı olacaq.

Parisdəki "Park de Prens" stadionunda keçiriləcək görüş Bakı vaxtı ilə saat 22:45-də start götürəcək.

Qeyd edək ki, hazırda D qrupunda Fransa 6 xalla liderdir, Azərbaycan 1 xalla sonuncu - 4-cüdür.

Bu qrupun digər oyununda isə İslandiya Ukraynanı qəbul edəcək.

Qeyd edək ki, Fransa və Azərbaycanın əsas milli komandaları tarixlərində üçüncü dəfə üz-üzə gələcəklər. Daha əvvəl komandalar Avro-1996-nın seçmə mərhələsində qarşılaşıblar. 1994-cü ildə Türkiyənin Trabzon şəhərində keçirilmiş ilk qarşılaşmada Azərbaycan millisi 0:2 hesabı ilə uduzub. 1995-ci ildə Fransanın Oser şəhərində baş tutan ikinci oyunda isə Fransa 10:0 hesabı ilə qələbə qazanıb. Bu, millimizin tarixində ən böyükhesablı məğlubiyyətdir.

DÇ-2026, seçmə mərhələ

D qrupu

22:45. Fransa - Azərbaycan

Hakimlər: Rohit Saqqi, Yorgen Ronninq Valstadsve, Ole Andreas Haukasen, Daniel Higraff

*

Komandaların heyətləri açıqlanıb:

Fransa: 16. Mayk Menyan, 2. Malo Qusto, 17. Vailliam Saliba, 4. Dayo Upamekano, 22. Teo Ernandes, 21. Kepren Türam, 14. Adrien Rabyo, 11. Maykl Olise, 7. Kinqsli Koman, 9. Uqo Ekitike, 10. Kilian Mbappe (k).

Ehtiyat heyət: Samba, Şevalye, Din, Kunde, Kamavinqa, Kane, Akliuş, Mateta, Kinate, Nkunku, Toven, L.Ernandes

Azərbaycan: 1. Şahruddin Məhəmmədəliyev, 3. Elvin Cəfərquliyev, 5. Anton Krivotsyuk, 4. Bəhlul Mustafazadə, 14. Elvin Bədəlov, 21. Qismət Alıyev, 11. Rüstəm Əhmədzadə, 8. Emin Mahmudov (k), 15. Abdulah Xaybulayev, 7. Toral Bayramov, 10. Mahir Emreli

Ehtiyat heyət: Aydın Bayramov, Rza Cəfərov, Rail Məmmədov, Murad Xaçayev, Anatoli Nuriyev, Renat Dadaşov, Abbas Hüseynov, Rəhman Daşdəmirov, Cəlal Hüseynov, Nəriman Axundzadə, Faiq Hacıyev, Musa Qurbanlı

*

Matç başladı.

***

Matç bitdi. Azərbaycan millisi DÇ-2026-nın seçmə mərhələsinin 3-cü turunda Fransa yığmasına 3 cavabsız qolla uduzdu.

Telegramda izləyin