Çörəkçidə baş verən partlayışda 9 nəfər yaralanıb

Hatayın Samandağ rayonunda yerləşən "Çağdaş Fırını" adlı çörəkbişirmə müəssisəsində yanğın baş verib.

Sonxeber.az türk mediasına istinadən xəbər verir ki, yanğın zamanı müəssisədəki qaz balonlarından biri partlayıb.

Hadisə nəticəsində N.B., Y.A., N.B., N.B., A.H.K., H.B., S.B., E.S. və B.B. adlı 9 nəfər müxtəlif dərəcəli xəsarətlər alıb. Yaralılar təcili tibbi yardım əməkdaşlarının müdaxiləsindən sonra xəstəxanaya yerləşdirilib.

Yanğın hadisə yerinə cəlb olunan yanğınsöndürənlər tərəfindən qısa müddətdə nəzarət altına alınıb. Məkanda ciddi maddi zərər yaranıb. Yaralıların vəziyyətinin qənaətbəxş olduğu bildirilir.

Hadisənin səbəbləri ilə bağlı araşdırma aparılır.

Telegramda izləyin