Sürücü yediyi yeməkdən zəhərləndi, avtobus qəzaya uğradı

Türkiyədə baş verən yol-nəqliyyat hadisəsində sərnişin avtobusu sədlərə çırpılaraq aşıb. Qəza nəticəsində 6 nəfər xəsarət alıb.

Sonxeber.az türk mediasına istinadən xəbər verir ki, hadisə gecə saat 00:30 radələrində Ankara–Niğde avtomagistralının Aksarayın Babakonağı kəndi yaxınlığında baş verib. Məlumata görə, İstanbuldan Mardinə gedən, Mehmet Aslanın idarə etdiyi 34 FEY 752 dövlət nömrə nişanlı sərnişin avtobusu idarəetməni itirərək sədlərə çırpılıb və aşıb.

Hadisə yerinə polis, xilasetmə və təcili tibbi yardım əməkdaşları cəlb olunub. Avtobusda ümumilikdə 44 sərnişin olub. Qəza nəticəsində sürücü Mehmet Aslan, köməkçisi və 4 sərnişin müxtəlif dərəcəli xəsarətlər alıblar. Yaralılar təcili tibbi yardımla Aksaray Təhsil və Tədqiqat Xəstəxanasına yerləşdirilib.

Xəstəxanada müalicə alan sürücü Mehmet Aslan açıqlamasında bildirib ki, Boluda bir istirahət məntəqəsində dayandıqları zaman yemək yeyib və həmin yeməkdən zəhərlənib:

Qəza ilə bağlı araşdırma davam edir.

Telegramda izləyin