Müğənni getdiyi toyda mahnı oxuyarkən ürək tutmasından vəfat edib - VİDEO

Türkiyənin Bursa vilayətinin Gemlik rayonunda toy mərasimində faciə baş verib.

Sonxeber.az türk mediasına istinadən xəbər verir ki, Giresunda yaşayan 47 yaşlı müğənni Yüksel Kader qohumunun toyu üçün Gemlikə gedib. O, mərasim zamanı gəlin və bəyə jest etmək məqsədilə səhnəyə çıxaraq mahnı oxumağa başlayıb.

Lakin mahnı oxuduğu anda qəfil halı pisləşən müğənni bir anda yerə yıxılıb. Toy iştirakçıları böyük şok yaşayıb və Kaderə ilkin yardım göstərməyə çalışıblar. Hadisə yerinə çağırılan təcili tibbi yardım əməkdaşları müğənnini dərhal Gemlik Dövlət Xəstəxanasına aparıblar.

Həkimlərin bütün cəhdlərinə baxmayaraq, Yüksel Kaderin həyatını xilas etmək mümkün olmayıb. Onun səhnədə keçirdiyi ürək tutması anı isə kameralara əks olunub.

Hadisə ilə bağlı araşdırma aparılır.

Telegramda izləyin