Universitet tələbəsi tüfənglə vuruldu

Kayseridə Erciyes Universitetinin Ədəbiyyat Fakültəsinin qarşısında baş verən dəhşət universiteti yasa qərq etdi.

Sonxeber.az türk mediasına istinadən xəbər verir ki, üç uşaq anası və keçmiş əri tərəfindən ov tüfəngi ilə vurulan tələbə Meliha K. xəstəxanada dünyasını dəyişdi.

Üç uşaq anası və Erciyes Universitetinin (ERÜ) Ədəbiyyat Fakültəsinin Folklor şöbəsinin tələbəsi Meliha K., fakültənin qarşısında keçmiş əri F.K. ilə qarşılaşıb. Aralarında başlayan mübahisə davaya çevrilib və F.K. məktəbin qarşısında M.K.-nı ov tüfəngi ilə vurub.

Tibb işçiləri hadisə yerində ona tibbi yardım göstərdikdən sonra M.K. ERÜ Tibb Fakültəsinə aparılıb. Müdaxiləyə baxmayaraq, onu xilas etmək mümkün olmadı.

Hadisə yerindən qaçan F.K. kampusda polis tərəfindən tutulub. Erciyes Universitetinin rektoru professor Dr. Fatih Altun da hadisə yerinə ifadə almaq üçün gəldi. Hadisə ilə bağlı araşdırma başlanılıb.

Telegramda izləyin