Küçədə dəhşət! Rus qadın ərini bıçaqladı!

Antalyanın Alanya rayonunda boşanma mərhələsində olan rusiyalı cütlük arasında baş verən mübahisə qanla nəticələnib.

Sonxeber.az türk mediasına istinadən xəbər verir ki, hadisə Mahmutlar məhəlləsində yerləşən yaşayış kompleksi önündə qeydə alınıb.

Məlumata görə, M.G. adlı qadın ilə onun boşanma prosesində olduğu bildirilən həyat yoldaşı A.G. arasında mübahisə yaranıb. Mübahisə böyüdükcə qadın, A.G.-ni bıçaqla bədəninin müxtəlif nahiyələrindən yaralayıb.

Hadisə yerinə çağırılan təcili tibbi yardım və jandarma qrupları yaralı kişiyə ilkin yardım göstərərək onu xəstəxanaya çatdırıblar. Onun həyatının təhlükədə olmadığı bildirilib.

Polis əməkdaşları M.G.-ni hadisədə istifadə olunan bıçaqla birlikdə saxlayıblar.

Şübhəlinin bölmədə istintaq prosedurlarının davam etdiyi açıqlanıb.

Telegramda izləyin