Tır altında qalan sürücü həyatını itirdi

Mardinin Kızıltepe rayonunda faciəvi hadisə baş verib.

Sonxeber.az türk mediasına istinadən xəbər verir ki, patlamış təkəri dəyişdirmək istəyərkən tırın altında qalan sürücü həyatını itirib.

Məlumata görə, 33 AT 516 qeydiyyat nömrəli tırın təkərini dəyişdirmək istəyən Hamza Gümüş (44), onun altında qalaraq ağır yaralanıb. Hadisə yerinə səhiyyə, xilasetmə və polis briqadaları cəlb olunub.

Gümüş ilkin tibbi müdaxilədən sonra əvvəlcə Kızıltepe Dövlət Xəstəxanasına, oradan isə Mardin Təhsil və Araşdırma Xəstəxanasına aparılıb. Lakin bütün səy və müdaxilələrə baxmayaraq, o, xilas edilə bilməyib.

Hadisə ilə bağlı təhlükəsizlik və araşdırma işləri davam edir.

Telegramda izləyin