Siqnal üstündə başlayan dava görün nə ilə nəticələndi - VİDEO

İstanbulun Maltepe rayonunda iki sürücü arasında siqnal səbəbindən başlayan mübahisə qısa müddətdə davaya çevrilib.

Sonxeber.az türk mediasına istinadən xəbər verir ki, hadisə Başıbüyük məhəlləsində qeydə alınıb.

İddialara görə, hərəkətdə olan iki avtomobil sürücüsü arasında siqnal vermə üstündə gərginlik yaranıb. Mübahisə böyüdükdən sonra 34 KVY 386 nömrə nişanlı avtomobilin sürücüsü maşınından düşərək əlindəki dəyənəklə qarşı tərəfin avtomobilinə zərbələr endirib.

Hadisə anı hücuma məruz qalan sürücü tərəfindən mobil telefon kamerası ilə çəkilib. Davadan sonra zərərçəkmiş sürücünün avtomobilində maddi ziyan yaranıb.

Məsələ ilə bağlı araşdırma davam edir.

Telegramda izləyin