Tanınmış iş adamı qəbiristanlıqda asılı halda tapıldı

Türkiyədə, Kocaeli və Karamürsel bölgəsinin dənizçilik sektorunda tanınan şəxslərdən biri olan gəmi sahibi R.O. (46) Yalovanın Altınova qəsəbəsində qəbiristanlıqda asılı halda ölü vəziyyətdə tapılıb.

Sonxeber.az türk mediasına istinadən xəbər verir ki, alınan məlumatlara görə, bir müddət R.O-dan xəbər ala bilməyən ailəsi və yaxınları, narahat olaraq öz imkanları ilə axtarışa çıxıblar. Axtarış nəticəsində dünən gecə saat 20:35 radələrində R.O-nun atasının qəbrinin olduğu qəbiristanlıq sahəsində asılı vəziyyətdə olduğu aşkarlanıb.

Hadisə dərhal 112 Təcili Yardım Mərkəzinə bildirilib, sözügedən yerə həm səhiyyə, həm də polis qrupları göndərilib.

Səhiyyə işçiləri R.O-nun həyatını itirdiyini təsdiqləyib. Polis hadisə yerində geniş təhlükəsizlik tədbirləri görüb. Prokurorun yoxlamasından sonra R.O-nun meyiti Yalova Təhsil və Araşdırma Xəstəxanasının morquna göndərilib.

Karamürsel, Altınova və Kocaelidə uzun illər dənizçilik sahəsində fəaliyyət göstərən və ətrafında hörmətlə tanınan R.O-nun vəfatı, dənizçilik ictimaiyyətində böyük sarsıntı yaradıb.

Telegramda izləyin