"İnsan Barbie" kimi tanınan fenomen evində ölü tapıldı

Braziliyalı sosial media fenomeni Barbara Jankavski evində ölü halda tapılıb.

Sonxeber.az xarici mediaya istinadən xəbər verir ki, 31 yaşlı Jankavski, keçirdiyi çoxsaylı estetik əməliyyatlarla tanınırdı və sosial şəbəkələrdə minlərlə izləyicisi var idi.

Hadisə ilə bağlı polisə ifadə verən 51 yaşlı dövlət vəkili Renato Campos Pinto de Vitto, həmin gecə Jankavski ilə birlikdə olduğunu və ikisinin birlikdə qanunsuz maddə istifadə etdiyini bildirib. Onun sözlərinə görə, fenomen yuxuya getdikdən sonra hərəkətsiz qalıb və o, təcili tibbi yardıma xəbər verərək gələnə qədər ürək masajı edib. Lakin Jankavski həyatını itirib.

Polis, fenomenin yalnız alt paltarı ilə tapıldığını, sol gözündə və kürəyində zədələr müəyyən edildiyini açıqlayıb. Ölüm səbəbi otopsiya və toksikoloji analizlərdən sonra dəqiqləşdiriləcək.

Hadisə "şübhəli ölüm" kimi qeydə alınıb. Araşdırma davam edir.

Telegramda izləyin