Pula görə yaranan mübahisə qanla bitdi

Adanada dəhşətli hadisə baş verib. 41 yaşlı Şevki Ş., qohumu – 48 yaşlı Ahmet K.-nı pul üstündə yaranan mübahisə zamanı ov tüfəngi ilə ayağından vurub.

Sonxeber.az türk mediasına istinadən xəbər verir ki, iddiaya görə, qardaşının qaynı olan Ahmet K. ilə arasında maliyyə anlaşmazlığı olan Şevki Ş., mübahisə böyüdükdən sonra iş yerindəki ov tüfəngini götürərək atəş açıb. Məlumata görə, Ahmet K. yerə yıxıldıqdan sonra Şevki Ş. təxminən beş dəqiqə ərzində tüfənglə və yumruqlarla ona hücum edib.

Yaralanan Ahmet K.-nın qan itkisinin qarşısını almaq üçün öz ayağına tampon etdiyi, Şevki Ş.-nin isə barmaq izi qalmasın deyə tüfəngi onun əlinə tutdurmaq istədiyi iddia olunur.

Hadisə yerinə çağırılan polis və təcili yardım əməkdaşları yaralıya ilkin tibbi yardım göstəriblər. Diz nahiyəsindən yaralanan Ahmet K. Adana Şəhər Xəstəxanasına çatdırılıb.

Polis hadisə yerində "Gold X A" markalı ov tüfəngini sübut kimi götürüb. Araşdırma zamanı məlum olub ki, Ahmet K.-nın "qəsdən xəsarət yetirmə, qumar üçün yer təmin etmə, soyğunçuluq, hədə-qorxu, ehtiyatsızlıqla xəsarət yetirmə" kimi 12, Şevki Ş.-nin isə "hədə-qorxu, narkotik ticarəti, cinsi təcavüz, ehtiyatsızlıqla adam öldürmə" kimi 11 cinayət qeydi var.

Telegramda izləyin