Özünü yolüstü keçiddən atan şəxs görün necə xilas edildi!

Diyarbakırın Ergani rayonunda bir nəfər üstkeçidə çıxaraq intihara cəhd edib.

Sonxeber.az türk mediasına istinadən xəbər verir ki, xilasedici əməkdaşların qısa zamanda qurduğu havalı atlama döşəyi sayəsində şəxsin həyatı xilas edilib.

Hadisə Ergani rayonunun Aziziye məhəlləsində yerləşən üstkeçiddə baş verib. C.H. adlı şəxs keçidin üstünə çıxaraq özünü aşağı atacağını deyib. Bildirişdən sonra əraziyə təcili tibbi yardım, polis və xilasedici qrupları göndərilib.

Ətrafdakı vətəndaşlar C.H.-ni fikrindən daşındırmağa çalışdığı vaxt, xilasedici komandası bağlanan yolun üzərinə havalı atlama döşəyi quraşdırıb. Bir müddət sonra özünü boşluğa buraxan şəxs həmin döşəyə düşərək xilas olub.

Təcili yardım əməkdaşlarının hadisə yerində ilk tibbi müdaxiləni göstərməsindən sonra C.H. xəstəxanaya aparılıb. Onun vəziyyətinin yaxşı olduğu bildirilib.

Telegramda izləyin