Ata 4 övladını sıraya düzüb kəmərlə döyərək işgəncə verdi - VİDEO

Afyonkarahisarda vicdanları sarsıdan hadisə qeydə alınıb.

Sonxeber.az türk mediasına istinadən xəbər verir ki, İhsaniyə ilçəsində yaşayan Murat M. adlı şəxs, qaynı və qayınanası ilə münaqişə yaşadığı üçün onların evinə gedən 4 övladını cəzalandırmaq məqsədi ilə döyüb.

İddiaya görə, Murat M. uşaqlarını sıraya düzüb kəmərlə döyərək onlara işgəncə verib. Daha da dəhşətlisi, o, biri oğlan olmaqla 4 uşağını döydüyü anları mobil telefonla çəkərək görüntüyə alıb.

Videoda Murat M.-nin uşaqlara vurarkən "Bir daha nənənizin evinə gedəcəksiniz?" deyə qışqırdığı, qorxu içində olan uşaqların isə qaçmağa çalışdığı görünür. Ata, işgəncə anlarının görüntülərini münaqişə yaşadığı qaynına göndərib.

Ailə üzvləri videonu aldıqdən sonra onu vəkil Rahmi Emirhan Oğuza təqdim ediblər. Vəkil isə görüntülərlə birlikdə prokurorluğa müraciət edərək şikayət edib. Müraciət əsasında prokurorluq Ailə və Sosial Siyasətlər İl Müdürlüğünə uşaqların qoruma altına alınması üçün göstəriş verib.

Hadisə ilə bağlı genişmiqyaslı istintaq davam etdirilir.

Telegramda izləyin