Xərçəng xəstəsi ata doğuşdan əlil qızını öldürüb intihar etdi - VİDEO

İzmirin Gaziemir rayonunda ağır faciə yaşanıb.

Sonxeber.az türk mediasına istinadən xəbər verir ki, doğuşdan fiziki və zehni əlilliyi olan 30 yaşlı Feridə Sayılır, atası – xərçəng xəstəsi Hüseyn Sayılır (63) tərəfindən tüfənglə vurularaq öldürülüb. Hüseyn Sayılır daha sonra eyni silahla intihar edib.

Hadisə saat 16:30 radələrində Menderes məhəlləsinin 1007-ci küçəsində baş verib. İddiaya görə, təqaüdçü olan Hüseyn Sayılır, naməlum səbəbdən əvvəlcə qızı Feridə Sayılırı baş nahiyəsindən güllələyib, ardınca tüfəngi özünə çevirərək atəş açıb.

Silah səslərini eşidən qonşuların məlumatı ilə hadisə yerinə təcili tibbi yardım və polis çağırılıb. Sağlıq işçilərinin yoxlaması nəticəsində ata və qızının hadisə yerində həyatını itirdiyi müəyyən edilib. Meyitlər incələnmə üçün İzmir Ədli Tibb İnstitutu morquna aparılıb.

Məlumata görə, təxminən 3 il əvvəl həyat yoldaşından boşanan və psixoloji problemlər yaşayan Hüseyn Sayılara bir müddət əvvəl yoğun bağırsaq xərçəngi diaqnozu qoyulmuşdu. Yaxınlarının sözlərinə görə, o, özünə bir şey baş verəcəyi halda ağır əlilliyi olan qızına kimin baxacağı ilə bağlı ciddi narahatlıq yaşayırmış.

Hadisə ilə bağlı polis tərəfindən araşdırma aparılır.

Telegramda izləyin