Dəhşətli hadisə: Bacılar üç gün arayla eyni pəncərədən özlərini atıblar

Kayserinin Kocasinan rayonunda 1 yaş fərqi olan iki bacı 3 gün arayla evlərinin 4-cü mərtəbəsindəki pəncərədən özlərini atıb.

Sonxeber.az türk mediasına istinadən xəbər verir ki, hadisə Ziyagökalp məhəlləsi, Emekçi küçəsində yerləşən 5 mərtəbəli binanın 4-cü qatında yaşanıb. 18 yaşlı T.Ö. naməlum səbəbdən evinin pəncərəsindən özünü atıb. Hadisə yerinə cəlb edilən polis ərazidə təhlükəsizlik tədbirləri görüb, tibb işçiləri isə gənc qıza ilk tibbi müdaxilə edərək onu təcili yardım maşını ilə Kayseri Şəhər Xəstəxanasına aparıb. Onun həyati təhlükəsinin davam etdiyi bildirilib.

Bundan 3 gün sonra T.Ö.-nün 17 yaşlı bacısı S.Ö. də eyni pəncərədən atlayıb. Yenidən əraziyə təcili yardım və polis qrupları göndərilib. İlk müdaxilədən sonra S.Ö. də bacısının müalicə aldığı Kayseri Şəhər Xəstəxanasına yerləşdirilib.

Hər iki bacının vəziyyətinin ağır olduğu və müalicələrinin davam etdiyi bildirilir.

Faktla bağlı polis tərəfindən araşdırma başladılıb.

Telegramda izləyin