Yaşlı kişi gənc qadını pul təklif edib, evinə çağırdı - VİDEO

Ankaranın Mamak rayonunda bir qadın, yaşlı bir kişi tərəfindən təcavüz xarakterli narahatlığa məruz qaldığını bildirərək həmin anları mobil telefon kamerası ilə qeydə alıb.

Sonxeber.az türk mediasına istinadən xəbər verir ki, gənc qadının iddiasına görə, yaşlı kişi küçədə gedərkən ona yaxınlaşıb pul verəcəyini deyərək evinə dəvət edib.

Qadın isə bu sözlərə sərt reaksiya göstərərək: "Mən sənin evinə niyə gəlməliyəm?" — deyə cavab verib. Gənc qadın baş verənləri sosial media hesabında paylaşaraq yazıb:

"Mamak Üzgüçülük Hovuzunun yaxınlığında yaşlı bir kişi tərəfindən narahat edildim. Əxlaqsız təkliflər edən bu şəxsə diqqət edin. Pul təklif edib evinə çağıran bu adam inşallah tapılıb tədbir görülər".

Görüntülər sosial şəbəkələrdə qısa müddətdə böyük reaksiyaya səbəb olub və istifadəçilər həmin şəxsin tapılması üçün çağırış ediblər. Hadisə ilə bağlı rəsmi qurumlardan hər hansı açıqlama verilməyib.

Telegramda izləyin