Ələ keçirtmək üçün 2 saat 30 dəqiqə mübarizə apardılar - VİDEO

Türkiyədə, Hatayın Dörtyol bölgəsində balıqçılıqla məşğul olan Mustafa Oktay və komandası Aralıq dənizindəki ov zamanı nəhəng ölçülərə malik bir qılınc balığı ilə qarşılaşıb.

Sonxeber.az türk mediasına istinadən xəbər verir ki, atasından qalan peşəni 35 ildir davam etdirən Oktayın sözlərinə görə, təxminən 115 kiloqram çəkisi və 1,5 metr uzunluğu olan iri qılınc balığını gəmiyə çəkmək üçün ekipaj üzvləri ilə birlikdə onunla yarışmalı olublar.

Ov başladıqdan sonra 2 saat 30 dəqiqə davam edən mübarizə nəticəsində gücü və müqaviməti ilə tanınan qılınc balığını böyük zəhmətlə qayıqa almaq mümkün olub.

Sahilə çıxarıldığında 4 nəfərin köməyi ilə daşına bilən nəhəng balıq həm çəkisi, həm də ölçüsü ilə bölgədə son illərin ən diqqətçəkən ovlarından biri kimi qeydə alınıb. Daha sonra balıq İzmirə göndərilərək kilosu 500 TL olmaqla ümumilikdə 65 min TL-yə satılıb.

Telegramda izləyin