Mübahisə etdiyi qardaşını bıçaqlayıb öldürdü

Kırıkkaledə 47 yaşlı Ali Sağlam, qardaşı tərəfindən sinəsindən və biləyindən bıçaqlanaraq ağır yaralanıb və xəstəxanada həyatını itirib.

Sonxeber.az türk mediasına istinadən xəbər verir ki, hadisə axşam saatlarında Bahçelievler məhəlləsi, 2052-ci küçədə yerləşən bir mənzildə baş verib. Məlumata görə, naməlum səbəbdən Y.S. ilə böyük qardaşı Ali Sağlam arasında mübahisə yaranıb. Mübahisə davaya çevriləndən sonra Y.S. qardaşını sinə və bilək nahiyəsindən bıçaqlayaraq yaralayıb.

Məlumat əsasında əraziyə polis və təcili tibbi yardım əməkdaşları göndərilib. Ağır yaralanan Ali Sağlam 112 Təcili Yardım Xidmətinin əməkdaşları tərəfindən Tibb Fakültəsi Xəstəxanasına aparılıb. Həkimlərin bütün müdaxilələrinə baxmayaraq, onun həyatını xilas etmək mümkün olmayıb.

Hadisə ilə bağlı şübhəli Y.S. polis tərəfindən dərhal nəzarətə götürülüb. Ali Sağlamın Ankara Hasanoğlan SGK İlçe Müdürlüğündə mühafizəçi kimi çalışdığı bildirilib.

Telegramda izləyin