"Öldürdüyüm adam süni intellektdir" deyən şəxs ömürlük həbsə məhkum edildi

Kocaeli vilayətinin Gölcük rayonunda, bazar satıcısı Birol Şakir Kayanı (65) dəmir çubuqla öldürən Tuanay Çetin (24) ağırlaşdırılmış ömürlük həbs cəzasına məhkum edilib. Məhkəmədə son sözünü deyən qatil Çetin, "Birol Şakir Kaya, çox sevdiyim bir insandır. Mənim öldürdüyüm adam süni intellektdir, Şakir əmi deyil. Şakir əmi mütləq ölməyib, 7 aydır bazarda işləyir" ifadəsini işlədib.

Sonxeber.az türk mediasına istinadən xəbər verir ki, maddə asılılığı olan Tuanay Çetin, bazar satıcısı Birol Şakir Kayadan pul tələb edib. Əks cavab aldıqda isə Çetin, Kayanın başına dəmir çubuqla dəfələrlə vuraraq onu öldürüb.

Daha əvvəl 60 cinayət qeydi olan və 4 gün əvvəl başqa bir ittiham üzrə həbsdən azad edilmiş Tuanay Çetin, hadisədən sonra qaçıb. Polis tərəfindən tutulduqdan sonra Çetin həbs edilib.

Tuanay Çetin barəsində "qəsdən, vəhşiliklə və işgəncə verərək öldürmə" ittihamı ilə ağırlaşdırılmış ömürlük həbs tələbiylə məhkəmə işi açılıb.

Telegramda izləyin