Tüfənglə oynayarkən təsadüfən dostunu öldürən yeniyetmə saxlanılıb

Denizlinin Pamukkale rayonunda baş verən dəhşətli hadisə bölgədə böyük sarsıntıya səbəb olub.

Sonxeber.az türk mediasına istinadən xəbər verir ki, 15 yaşlı yeniyetmə atasına məxsus icazəsiz ov tüfəngi ilə oynayarkən təsadüfən qarşısında oturan qız dostunu vurub.

Hadisə Akköy məhəlləsində, yeniyetmə B.K.-nın ailəsinə məxsus evdə baş verib. İddiaya görə, B.K. atasının sənədsiz ov tüfəngi ilə ehtiyatsız davranarkən silah qəfildən atəş alıb və güllə Zahra Cahaninin baş nahiyəsinə dəyib.

Ağır xəsarət alan qızın həyatını xilas etmək mümkün olmayıb və o, hadisə yerində vəfat edib. Jandarma əməkdaşları B.K.-nı dərhal saxlayıblar. Hadisə zamanı istifadə olunan ov tüfəngi isə maddi sübut kimi götürülüb.

Faktla bağlı araşdırma davam etdirilir.

Telegramda izləyin