27 yaşlı kişi 15–16 yaşlı yeniyetmələrin bıçaqlı hücumuna məruz qaldı

Antalyanın Kepez rayonunda 27 yaşlı Samet Şanlı küçədə gəzərkən 15–16 yaşlarında olan bir qrup yeniyetmənin bıçaqlı hücumuna məruz qalıb.

Sonxeber.az türk mediasına istinadən xəbər verir ki, iddialara görə, yeniyetmələr Şanlıdan siqaret istəyiblər. O, iki nəfərə siqaret verdiyini, üçüncüsünə uzatdığı anda qəfil hücuma məruz qaldığını bildirib.

Şanlının sözlərinə görə, həmin vaxt arxasından yumruq zərbəsi alıb və daha sonra yeniyetmələr onun üzərinə tullanıblar. Hücum edənlərdən biri isə onun sağ ayağına bıçaqla xəsarət yetirib.

Yaralı vəziyyətdə yerə çökən Samet Şanlını görən sakinlər dərhal polisə və təcili tibbi yardıma məlumat veriblər. Polis qısa müddətdə hadisə yerinə gələrək zərərçəkəndən ifadə alıb. Təxminən 15 dəqiqə sonra gələn təcili tibbi yardım onu Kepez Dövlət Xəstəxanasına aparıb.

Telegramda izləyin