Yeni Zelandiyadakı barlardan birinə girən balaca suiti ortalığı bir-birinə qatdı - VİDEO

Yeni Zelandiyada barlardan birində baş verən hadisə sıradan bir axşamı unudulmaz edib. Barın qapısından daxil olan kiçik qonaq əvvəlcə it sanılıb, lakin yaxından baxanda bunun itkin düşmüş balaca bir suiti olduğu məlum olub.

Sonxeber.az xarici mediaya istinadən xəbər verir ki, müştərilərin təəccüblü baxışları arasında bara irəliləyən sevimli heyvan özünə gizlənəcək yer axtarıb və gözlənilməz bir seçim edib. Barın ortaq sahibi Bella Evans ilk olaraq heyvanı it sandığını, yaxınlaşanda isə vəziyyətin çox fərqli olduğunu anlayıb. İşçilər və müştərilər bir anda panikaya düşərkən, suiti qabyuyan maşının altında gizlənib.

Müştərilərdən biri suitini çölə yönləndirmək üçün tez bir şəkildə sviter gətirsə də, kiçik qonaq əvvəl tualetə, sonra yenidən mətbəxə qaçaraq maşınların altına gizlənib.

Qısa müddət sonra bölgədəki mühafizə əməkdaşları bara çatıb. Bildirilib ki, heyvan gün boyu bir neçə fərqli yerdə görünüb və uzun müddətdir izlənilirmiş. Yeni Zelandiya Təbiəti Mühafizə Agentliyi həmin gün çox sayda məlumat aldığını təsdiqləyib və suitini insanların olmadığı, təhlükəsiz sayılan Tavşan Adasına buraxıb.

Telegramda izləyin