Gəlinin nikah mərasimində etdiyi hərəkət gündəm oldu: "Çox hörmətsiz davranışdır" - VİDEO

Sosial mediada sürətlə yayılan bir nikah görüntüsü qısa müddətdə böyük müzakirələrə səbəb olub.

Sonxeber.az türk mediasına istinadən xəbər verir ki, kadrlarda bir gəlinin, nikahı aparan qadının mərasim sonunda bəy ilə əl sıxmasına icazə vermədiyi görünür.

Videoda nikahı idarə edən qadın bəyə əlini uzatdığı anda gəlinin qəfil irəli gələrək fiziki təması əngəllədiyi açıq şəkildə görünür. Bu anlar mərasimdə iştirak edənlər tərəfindən mobil telefonla çəkilib.

Paylaşılan görüntü sosial şəbəkələrdə geniş reaksiyaya səbəb olub. İzləyicilərin yazdığı şərhlər də diqqət çəkib: "Belə evlilik olmaz", "Bu videonu saxlasın, tezliklə açacağı boşanma işində dəlil olar", "Çox hörmətsiz davranışdır", "Qadın yəqin ki, əqrəb bürcüdür".

Bəzi sosial media istifadəçiləri gəlinin davranışını "həddindən artıq qısqanclıq" kimi dəyərləndirərkən, digərləri bunu mərasimi aparan qadına qarşı "hörmətsizlik" olaraq qiymətləndirib.

Görüntü qısa zamanda ölkə gündəminin ən çox müzakirə edilən videolarından birinə çevrilib.

Telegramda izləyin