Gecə üşüməsin deyə dükanına dəvət etdiyi dostunu səhər ölü tapdı

Kocaelinin Körfəz rayonunda soyuqda qalmasın deyə dostu tərəfindən sənaye sahəsindəki iş yerinə dəvət edilən şəxs növbəti gün ölü tapılıb.

Sonxeber.az türk mediasına istinadən xəbər verir ki, məlumata görə, dükanında gecələməsi üçün dostu Hakan Varnalını (53) qəbul edən iş yeri sahibi Ş.G. səhər saatlarında ondan xəbər ala bilməyib iş yerinə gələn Ş.G., qapının kilidli olduğunu görərək alət yardımı ilə içəri daxil olub və dostunu hərəkətsiz vəziyyətdə tapıb. Bunun üzərinə polis və təcili tibbi yardım əməkdaşlarına məlumat verilib.

Tibb işçilərinin yoxlaması nəticəsində Hakan Varnalının həyatını itirdiyi müəyyən edilib. Meyit müayinə olunduqdan sonra tibbi ekspertiza üçün Kocaeli Ədli Tibb Qurumu morquna aparılıb. İş yeri sahibi Ş.G. isə ifadəsi alınmaq üçün polis bölməsinə aparılıb.

Məlum olub ki, Varnalı bir müddətdir sənaye zonasına yaxın bir ərazidə park etdiyi avtomobilində gecələyirmiş. Soyuq hava şəraiti səbəbilə dostu Ş.G. onu üşüməməsi üçün iş yerində qalmağa dəvət edib və Varnalının şənbə axşamından bəri dükanında qaldığı bildirilib.

Telegramda izləyin