Hicablı qızların ayrımçılıq iddiası gündəm yaratdı: "Mən sizi iş yerimə yox, evimə də buraxmaram" - VİDEO

Ankarada iki qadın, bir kafedə geyimləri - hicablı olduqları üçün - ayrı-seçkiliyə məruz qaldıqlarını iddia edərək sosial şəbəkələrdə etiraz ediblər.

Sonxeber.az türk mediasına istinadən xəbər verir ki, onların sözlərinə görə, müəssisəyə daxil olanda işçilər tərəfindən soyuq qarşılanıblar.

Qadınlar yaşadıqları vəziyyəti belə ifadə ediblər: "Hicablı olduğumuz üçün bizə "xoş gəldiniz" belə demədilər. Bizim pulumuz yoxdurmu sanırsınız? O kredit kartını sizə partlatdırmayın. Məkanınızdakı soyuducunu mənə aldırmayın".

Gənc qızların baş verənləri gülərək danışdığı video sosial mediada böyük rezonans yaradıb. Paylaşımın altında isə müxtəlif reaksiyalar yer alıb: "Hər gün biriləri necə fenomen olaq deyə çalışır", "Bunların məzlumluğu bitmədi", "Yəqin xüsusi ilgi gözləyirdiniz", "Reklam və qurğudur", "Siz özünüzü nə sanırsınız ki?", "Mən sizi iş yerimə yox, evimə də qonaq kimi də buraxmaram" kimi şərhlər diqqət çəkib.

Telegramda izləyin