Gündüz vaxtı ev sahibini ürəyindən vuraraq öldürdü

Kirayəşin ilə ev sahibi arasındakı mübahisə faciə ilə nəticələndi.

Sonxeber.az türk mediasına istinadən xəbər verir ki, İstanbulun Fatih rayonu, Yedikule məhəlləsi, İkiyüzlü Çeşmə küçəsində gündüz vaxtı cinayət hadisəsi baş verib.

İddiaya görə, iş yerinin qarşısında kirayəşini ilə hələ bilinməyən səbəbdən mübahisə edən Recep Hakan Emül, onun tərəfindən silahla vurulub. Sinəsinə dəyən güllə nəticəsində ağır yaralanan Emül, hadisə yerindən qaçan şəxsin polis və təcili yardım çağırışları əsasında xəstəxanaya çatdırılıb.

Ürəyinə dəyən güllə səbəbindən ağır vəziyyətdə olan Recep Hakan Emül, xəstəxanada bütün müdaxilələrə baxmayaraq həyatını itirib. Polis hadisəni törədən şəxsi tutmaq üçün geniş əməliyyat başladıb.

Telegramda izləyin