Bazardan oğurluq edən uşağı iplə bağladılar - VİDEO

Türkiyədə, Sarıyerin Ayazağa məhəlləsində qurulan bazarda bir uşaq satıcı masasından idman şalvarı oğurlayıb.

Sonxeber.az türk mediasına istinadən xəbər verir ki, təxminən 14 yaşında olduğu deyilən uşaq əvvəlcə satıcının masasından götürdüyü idman şalvarını bankomatların arxasında gizlədib. Daha sonra bazara qayıdaraq yenidən oğurluq etməyə cəhd göstərib və bu dəfə satıcılar tərəfindən fərq edilib.

Bazar satıcılarından Ahmet Saydan uşağı iplə bağlayaraq ondan idman şalvarının yerini soruşub. Uşaq gizlətdiyi yeri göstərdikdən sonra məhsul geri alınıb və o, sərbəst buraxılıb.

Görüntülərdə uşağın əllərindən və ayaqlarından bağlanaraq satıcının masasının arxasında oturdulduğu, satıcının sözlərinə "Yalancılar!" deyə etiraz etdiyi anlar da əks olunub.

Satıcı Ahmet Saydan hadisə ilə bağlı belə danışıb:

"Gəldi, idman şalvarını götürüb bankomatların arxasına gizlətdi. Biz də yaxaladıq. ‘Səni anadan yeni doğulmuş edəcəyik’ dedim. O da ‘Qardaş, idman şalvarı bankomatların yanındadır’ dedi. Gətirdi, geri aldıq. Qaçmasın deyə əl-qolunu bağlamışdıq. Polis də çağırmışdıq, amma yerini dedikdən sonra buraxdıq."

Hadisə anı mobil telefon kamerasına da yansıyan görüntülərdə açıq şəkildə görünür.

Telegramda izləyin