Qərb ölkələrində qadın cinayətlərinə görə ömürlük həbs cəzası verilir... Bəs ölkəmizdə niyə cəzalar artırılmır?

Niderland, Belçika kimi Avropa ölkələrində qadın cinayətləri ayrıca keteqoriya olaraq hesab edilir və buna görə ağır cəzalar verilir. İtaliya isə qadını öldürən şəxsi ömürlük həbs cəzasına məhkum edir. Ölkəmiz isə dünyada qadın cinayətlərinə görə ən az həbs cəzası verilən ölkələrdəndir. Bizdə qadın cinayətinə görə 13-15 il həbs cəzası verilir. Məsələn, qonşu Türkiyədə qadın cinayətinə görə 27-31 il həbs cəzası verilir. Bəs ölkəmizdə qadın cinayətlərinə görə cəzalar niyə artırılmır?
Mövzu ilə bağlı hüquqşünas Əkrəm Həsənov BiG.AZ-a açıqlamasında bildirdi ki, qadınlara təcavüzə görə, ömürlük həbs cəzası verilməlidir. Onun sözlərinə görə, qadın cinayətlərinə görə də ən ağır həbs cəzası verilməlidir: "Mən qadın cinayətlərinə görədə ən ağır cəzanın, eyni zamanda ömürlük həbs cəzasının verilməsinin tərəfdarıyam. Təssüflər olsun ki, qanundakı boşluqlara görə, həmdə polisin ailədaxili zorakılıq halında "ailə işidir" deyib qadınlara qarşı zorakılıq faktında götürüb işi bağladığının şahidi oluruq.

[b]Ona görədə, qadın ona qarşı zorakılıq etmiş "kişinin" cəzalandırılması üçün həmin kişi tərəfindən xəsarət aldığı an dərhal Təcili Tibbi Yardıma müraciət edib, xəsarət barəsində arayış almalıdır. Belə olan halda polis həmin zorakı kişini həbs etməyə bilməz. Təssüfki bizdə qadınlar xəsarət alan zaman birinci növbədə polisə müraciət edir. Polis isə işə ciddi baxmır, yəni işi bağlamağa çalışır. Nəticədə zorakı kişi cəzasız qalır. Xəsarət barəsində isə Təcili Tibbi Yardım tərəfindən arayış alındıqda isə, polis qadına qarşı zorakılıq etmiş şəxsi həbs etməyə məcbur olur".

Telegramda izləyin