"Avromed Company" MMC-nin baş ofisində Bakı şəhərinin tibbi tarixinin formalaşma mərhələlərinə həsr olunmuş təqdimat keçirilib

"Avromed Company" MMC-nin baş ofisində media nümayəndələri üçün Bakı şəhərinin tibbi tarixinin formalaşma mərhələlərinə həsr olunmuş təqdimat keçirilib.
Tədbir çərçivəsində tanınmış tədqiqatçı Fuad Axundov "İnqilabdan əvvəlki Bakının təbabəti" mövzusunda geniş və əhatəli təqdimatla çıxış edib.
Çıxış zamanı F.Axundov XIX əsrin sonu - XX əsrin əvvəllərində Bakının sürətli sənaye, demoqrafik və mədəni inkişafının səhiyyə sahəsinə təsirindən bəhs edib. Qeyd olunub ki, bu dövrdə şəhər və korporativ tibbi müəssisələrin yaranması, yeni tibbi xidmətlərin formalaşması, eləcə də görkəmli həkimlər və ictimai xadimlərdən ibarət bütöv bir nəslin yetişməsi Bakı sakinlərinin həyat tərzində ciddi dəyişikliklərə səbəb olub. Əsrlər boyu formalaşmış vərdiş və stereotiplər tədricən aradan qalxaraq tibbi mədəniyyətin yeni mərhələyə qədəm qoymasına yol açıb.
Tədbir çərçivəsində cənab Axundov mövzunu Bakı tibbi tarixinin ən parlaq simaları prizmasından təqdim edib, media nümayəndələrinə tibbin qədim tarixinə dair maraqlı faktlar və arxiv materialları nümayiş etdirilib.
Təqdimat səmimi müzakirələr və fikir mübadiləsi ilə yadda qalıb.
Qeyd edək ki, 2002-ci ildən fəaliyyət göstərən "Avromed Company" MMC Azərbaycanda əczaçılıq sektorunun inkişafına töhfə verən aparıcı distribüter şirkətlərdən biridir. Şirkət dünyanın 40-dan çox ölkəsindən 200-dən artıq tədarükçü ilə əməkdaşlıq edir və ölkə üzrə aptek, klinika və xəstəxanaları fasiləsiz olaraq sağlamlıq məhsulları ilə təmin edir. Avromed müasir logistika şəbəkəsi və keyfiyyətli məhsulları ilə bazarda etibarlı lider kimi tanınır.

Telegramda izləyin