Uşaqla market alış-verişi edərkən nələrə diqqət etmək lazımdır? - AÇIQLAMA

Marketdə gördüyü hər şeyi istəyən və valideynləri almayanda ağlayan uşaqlar, bir çox valideyn üçün gündəlik həyatın çətin anlarından biridir.

Bu davranış, uşağın hələ ehtiyac və istəklər arasındakı fərqi tam anlamaması ilə bağlıdır. Uşağın bu hisslərini düzgün yönləndirmək və ona səbr, nizam-intizam öyrətmək isə həm valideyn, həm də uşaq üçün faydalı təcrübədir. Belə vəziyyətlərdə doğru yanaşmaların tətbiqi ailə mühitini daha harmonik edə bilər.

Bəs görəsən valideyinlər belə vəziyyətlərin qarşısınıalmaq üçün hansı addımları atmalıdırlar?

Psixoloq Aytən Ələkbərova bu barədə Sonxeber.az -a açıqlama verib:

"Bu vəziyyətə düşməmək üçün öncədən görülən tədbirlər çox önəmlidir. Biz övladlarımızı necə inkişaf etdirdiyimizə diqqət etməliyik: onlarla hansı məqamlarda necə davranırıq, hansı mövzularda necə söhbətlər aparırıq. Hər uşağın öz dünyası və rəngarəng baxışları var. Bu baxışların içində özünü cilovlamağı, hisslərini idarə etməyi öyrətmək lazımdır. Uşağın fərdi xüsusiyyətlərini nəzərə alaraq onunla ayrı-ayrılıqda işləmək vacibdir. Kimin imkanı varsa, psixoloqdan dəstək almaq faydalıdır; imkanı olmayan valideynlər isə evdə tətbiq edilə biləcək üsullardan yararlana bilərlər.
Uşağa məsuliyyət hissini aşılamaq üçün kiçik tapşırıqlar vermək effektiv üsullardan biridir. Məsələn, oyuncaqlarını toplamaq, mətbəxdə sadə işləri görmək və bu davranışları üçün kiçik mükafatlar almaq uşağın nizam-intizam və məsuliyyət hissini gücləndirir. Hər bir metod uzun illər təcrübə ilə sınanmışdır və doğru tətbiq olunduqda gözəl nəticələr verir.

Valideynlərin ən vacib vəzifəsi övladlarına sevgi, hörmət və dəstək göstərərək onları həm psixoloji, həm də sosial baxımdan sağlam böyütməkdir. Mən də öz övladımı bu prinsiplər əsasında tərbiyə etmişəm və onların effektivliyini şəxsən görmüşəm".

Telegramda izləyin