Millət vəkilinin geyindiyi 52 minlik ayaqqabı sosial mediada müzakirə mövzusuna çevrilib

Türkiyədə AK Partiyanın Şanlıurfa millət vəkili Cevahir Asuman Yazmacının dəyəri 52 min 500 TL olan Prada markalı ayaqqabıları sosial şəbəkələrdə geniş müzakirələrə səbəb olub.

Sonxeber.az türk mediasına istinadən xəbər verir ki, sözügedən foto qısa müddətdə yayılaraq istifadəçilər arasında ciddi rezonans doğurub.

Paylaşımın altına yazılan şərhlərdə bahalı ayaqqabı ölkədəki mövcud iqtisadi vəziyyətlə müqayisə olunub. Bir çox sosial media istifadəçisi yüksək qiymətə diqqət çəkərək minimum əməkhaqqı və pensiya məbləğləri ilə müqayisələr aparıb. Şərhlərdə "Təqaüdçü, işçi çətin vəziyyətdədir, xanım isə 52 min TL-lik ayaqqabı geyinir", "Minimum əməkhaqqı 28 min TL-dir", "Bu məbləğ üç pensiya maaşından çoxdur" kimi ifadələr yer alıb.

Bundan başqa, bəzi istifadəçilər ayaqqabının estetik görünüşünü də tənqid edərək "Pulsuz versələr də geyinmərəm", "Bu geyimə bu ayaqqabı uyğun deyil", "Min lirəyə bundan daha gözəl ayaqqabılar var" kimi rəylər paylaşıblar.

Görüntülər sosial mediada müzakirə olunmağa davam edir.

Telegramda izləyin