İranda zorakılıq olarsa, ABŞ müdaxilə edə bilər - Tramp

ABŞ Prezidenti Donald Tramp bildirib ki, əgər İranda etiraz aksiyaları zorakılıqla yatırılarsa, Vaşinqton ölkəyə müdaxilə etməyə hazırdır.

Milli.Az xəbər verir ki, bu açıqlama Trampın "Truth Social" sosial şəbəkəsindəki rəsmi səhifəsində paylaşılıb. O yazıb:

"Əgər İran dinc nümayişçilərə zor tətbiq edərsə və onları amansız şəkildə təqib edərsə, ABŞ onlara dəstək verəcək. Biz silahlanmışıq və lazım gələrsə döyüşə hazırıq."

Qeyd olunur ki, İranda son beş gündür kütləvi etiraz aksiyaları keçirilir. Demonstrasiyalar əsasən ölkədəki ağır iqtisadi vəziyyətlə bağlıdır. Təhlükəsizlik qüvvələri ilə etirazçılar arasında baş verən toqquşmalar nəticəsində bir sıra insanlar həlak olub və yaralanıb.

Telegramda izləyin