"ABŞ-nin hərbi müdaxiləyə əl atması İran elitasında ciddi qarşıdurma yarada bilər" - AÇIQLAMA

"Amerika administrasiyası İranda başlayan etiraz aksiyaları ilə bağlı aktiv şəkildə mövqeyini ifadə edir. Demək olar ki, hər gün Donald Trampdan və ya digər Amerika rəsmilərindən bu aksiyalara dəstək xarakterli bəyanatlar səslənir. Hətta Ağ Ev qeyd edib ki, İrandakı hadisələrə hərbi vasitələrdən istifadə etməklə cavab verilməsi imkanını ciddi şəkildə nəzərdən keçirir".

Bunu Sonxeber.az-a Milli Məclisin deputatı Müşfiq Cəfərov danışıb.

O, açıqlamasında qeyd edib ki, ABŞ-nin hərbi müdaxiləyə əl atması İran elitasında ciddi qarşıdurma yarada bilər:

"Hərbi müdaxilə dedikdə, bu yalnız İran hakimiyyətinin ABŞ-nin bölgədəki hərbi bazalarına və maraqlarına birbaşa təhdid yaradan addımlar atacağı təqdirdə gündəmə gələ bilər.

Hazırkı mərhələdə isə ABŞ-nin İrana qarşı mövqeyi daha çox siyasi təzyiq kimi addımların atılması ilə dəyərləndirilir və yaxın perspektivdə hərbi müdaxilə ehtimalı yüksək qiymətləndirilmir. Düşünürəm ki, baş verənlər hələ ki, birbaşa müdaxilə planına ehtiyac olmadığını göstərir".

Telegramda izləyin