İşindən imtina etdiyini açıqlayan qadının sözləri gündəm oldu - VİDEO

Psixoloji çətinliklər və ətraf mühitin təzyiqləri səbəbindən peşəsini tərk etdiyini bildirən qadının paylaşdığı video qısa müddətdə sosial şəbəkələrdə geniş rezonans doğurub.

Sonxeber.az türk mediasına istinadən xəbər verir ki, qərarını sosial media vasitəsilə açıqlayan qadın qeyd edib ki, bir müddət işinə ara versə də, sonradan geri qayıtmayıb. O, bu prosesdə ətrafından gələn tənqidlərin mühüm rol oynadığını vurğulayıb.

Qadının sözlərinə görə, ona tez-tez "Necə meyityuyansan, makiyajlısan, başın açıqdır" kimi iradlar bildirilib. Bu yanaşmanın ona ciddi psixoloji təsir etdiyini deyən qadın, bunu ətrafına hiss etdirməməyə çalışsa da, daxilən ağır təsirləndiyini etiraf edib.

Sözügedən açıqlamalar sosial şəbəkə istifadəçiləri arasında müxtəlif reaksiyalara səbəb olub və geniş müzakirələr yaradıb.

Telegramda izləyin