Əlləri qandallı olan qadın polis maşının pəncərəsindən görün necə qaçdı - VİDEO

ABŞ-ın Miçiqan ştatının Muskegon Heights şəhərində saxlanılan bir qadının polis avtomobilindən qaçması diqqət çəkib.

Sonxeber.az xarici mediaya istinadən xəbər verir ki, hadisə həm ətrafdakı vətəndaşlar, həm də polis əməkdaşlarının kamerası tərəfindən qeydə alınıb.

Görüntülərdə qadının polis maşınının arxa hissəsindəki şüşədən özünü çətinliklə çölə çıxardığı əks olunub. Əlləri qandallı olmasına baxmayaraq, dar sahədən keçməyi bacaran qadın yerə düşən kimi sürətlə qaçmağa başlayıb.

Hadisə zamanı polis əməkdaşlarının avtomobilə olduqca yaxın məsafədə olduqları, lakin qaçışı dərhal fərq etmədikləri diqqətdən yayınmayıb. Qadın qısa müddətdə gözdən itib.

Hadisədən sonra hüquq-mühafizə orqanları tərəfindən genişmiqyaslı axtarışlara başlanılıb. Həm şahidlərin lentə aldığı görüntülər, həm də polis kamerasına düşən kadrlar sosial şəbəkələrdə sürətlə yayılıb və "film səhnəsini xatırladan qaçış" kimi dəyərləndirilib.

Səlahiyyətli qurumlar qaçan şəxsin tutulması və baş verən təhlükəsizlik boşluğunun araşdırılması istiqamətində araşdırmalara başlayıb.

Telegramda izləyin