Marketdə qadına qarşı edilən əxlaqsızlığı görən hər kəs polisi axtarır - VİDEO

ABŞ-ın Kaliforniya ştatında yerləşən bir marketdə qadına qarşı törədilən təcavüz xarakterli hərəkət təhlükəsizlik kameralarına düşüb.

Sonxeber.az xarici mediaya istinadən xəbər verir ki, hadisənin Cənubi Kaliforniyada fəaliyyət göstərən Whole Foods mağazalar şəbəkəsinin filiallarından birində baş verdiyi bildirilib.

Görüntülərdə təxminən 30 yaşlarında olduğu ehtimal edilən şəxsin qadına qarşı qeyri-etik davranışlar sərgilədiyi, hətta fiziki təmas qurduğu anlar əks olunub. Şübhəlinin əlində mobil telefon olması da diqqət çəkib.

Hadisədən sonra Santa Clarita Valley Sheriff’s Station tərəfindən şübhəlinin kimliyinin müəyyənləşdirilməsi üçün ictimaiyyətə müraciət edilib. Hüquq-mühafizə orqanları görüntüləri araşdırdığını və həmin şəxsi tanıyanların məlumat verməsini xahiş edib.

Rəsmilər bildirib ki, faktla bağlı araşdırmalar davam edir və ictimai yerlərdə baş verən bu cür hadisələr ciddi nəzarətdə saxlanılır.

Telegramda izləyin