Metroda dəhşət! Bir anda relslərə doğru itələdi - VİDEO

ABŞ-ın Sietl şəhərində metro platformasında bir nəfər hücuma məruz qalaraq relslərə itələnib, son anda faciədən xilas olub.

Sonxeber.az xarici mediaya istinadən xəbər verir ki, hadisə metro stansiyalarından birində baş verib. Məlumata görə, platformada gözləyən şəxs naməlum şəxs tərəfindən qəfil şəkildə relslərə doğru itələnib.

Hadisə anını əks etdirən görüntülərdə zərərçəkənin relslərə düşməmək üçün son anda platformanın kənarından yapışdığı və yaxınlaşan qatarın altında qalmaqdan son anda qurtulduğu əks olunub. Baş verənlər ətrafda olan insanlar arasında böyük panikaya səbəb olub.

Rəsmi şəxslər şübhəlinin qısa müddətdə saxlanılaraq nəzarətə götürüldüyünü açıqlayıb. Faktla bağlı başlanılan istintaq çərçivəsində şübhəli şəxsin məhkəmə prosesi davam edir.

Məhkəmə hücumçunun psixi durumunun qiymətləndirilməsi üçün ekspertiza təyin edib. Həmçinin ədalətli məhkəmə araşdırmasının təmin olunması məqsədilə şübhəlinin üzünün məhkəmə prosesi başa çatana qədər ictimaiyyətə göstərilməməsi barədə qərar qəbul edilib.

Telegramda izləyin