13 gündür itkin düşən gəncdən acı xəbər

Türkiyənin Hatay vilayətində 13 gündür itkin kimi axtarılan Suriya vətəndaşı, 21 yaşlı Mohammed Alsabbahın meyiti tapılıb.

Sonxeber.az türk mediasına istinadən xəbər verir ki, hadisə Kumlu rayonunun Aktaş məhəlləsində baş verib. Məlumata görə, ərazidə yaşayan çoban Ahmet Salın səhər saatlarında heyvanlarını otarmaq üçün çay kənarına gedib. Bu zaman itlərinin davamlı hürdüyünü görən çoban səs gələn istiqamətə yaxınlaşıb və dərədə hərəkətsiz uzanan bir şəxsi aşkar edib.

Dərhal jandarmaya məlumat verilib. Hadisə yerinə gələn hüquq-mühafizə və xilasedici qruplar meyiti sudan çıxararaq onun 13 gündür axtarılan Mohammed Alsabbaha aid olduğunu müəyyən ediblər.

Meyit ilkin baxışdan sonra ölüm səbəbinin dəqiqləşdirilməsi üçün məhkəmə-tibbi ekspertizaya göndərilib. Faktla bağlı araşdırma aparılır.

Telegramda izləyin