Telefonu əlindən buraxmadı, ölümlə burun-buruna gəldi - VİDEO

Çinin Quyçjou əyalətində bir binanın ən üst mərtəbəsinə çıxaraq intihara cəhd edən gənc qızın xilas edilməsi anları böyük gərginliklə yadda qalıb.

Sonxeber.az türk mediasına istinadən xəbər verir ki, hadisə zamanı gənc qız binanın kənar çıxıntısında dayanaraq həyatına son qoymaq istəyib. Əraziyə cəlb olunan xilasedicilər onu xilas etmək üçün dərhal əməliyyata başlayıb. Lakin onlar gözlənilməz çətinliklə üzləşiblər.

Belə ki, qız bir əli ilə boşluqdan sallandığı halda digər əlindəki mobil telefonunu möhkəm saxlayıb və onu buraxmaqdan imtina edib. Xilasedicilər təhlükəsizliyi təmin etmək üçün telefonu əlindən almağa çalışsa da, gənc qızın müqaviməti əməliyyatı daha da riskli vəziyyətə salıb.

Kadrlarda xilasedicilərin qızı yuxarı çəkməyə çalışdığı anlarda onun telefonu buraxmamaq üçün etdiyi ani hərəkətlərin tarazlığını pozduğu açıq şəkildə görünür. Bu isə qızın bir neçə dəfə təhlükəli şəkildə boşluğa doğru əyilməsinə səbəb olub və vəziyyəti daha da kritik həddə çatdırıb.

Hadisəni izləyən vətəndaşlar baş verənləri böyük narahatlıqla izləyərək, gənc qızın az qala xilas edilərkən yıxılıb həyatını itirə biləcəyini bildiriblər.

Bütün çətinliklərə baxmayaraq, xilasedicilərin peşəkar və soyuqqanlı müdaxiləsi nəticəsində gənc qız sağ-salamat şəkildə dam örtüyünə çəkilərək xilas edilib.

Telegramda izləyin