TikTok canlı yayımında qalmaqal: Gənc qızın ailəsinə dedikləri hər kəsi şok etdi - VİDEO

TikTok platformasında pul toplamaq məqsədilə canlı yayım açdığı iddia edilən gənc qızın ailəsi ilə yaşadığı mübahisəni yayım zamanı nümayiş etdirməsi geniş rezonans doğurub.

Sonxeber.az xarici mediaya istinadən xəbər verir ki, görüntülərdə gənc qızın ev şəraitində izləyicilərlə ünsiyyətdə olduğu anda ailə üzvləri ilə mübahisəyə başladığı əks olunub. Kadrlarda arxa fonda kişi səsinin eşidildiyi və gərginliyin getdikcə artdığı müşahidə edilib.

Mübahisə zamanı gənc qızın telefonla danışdığı, səsinin tonunun yüksəldiyi və əsəbi olduğu diqqət çəkib. Yayım boyunca izləyicilərin də şərhlərlə hadisəyə müdaxilə etdiyi görülüb.

Ən çox müzakirə olunan məqam isə gənc qızın demensiya xəstəsi olduğu bildirilən valideynləri ilə bağlı "Mən onlara baxmaq məcburiyyətində deyiləm" ifadələrini işlətməsi olub.

Kadrlarda mübahisədən sonra gənc qızın tələsik şəkildə evi tərk etdiyi və yayımı bağlamadan uzaqlaşdığı anlar da yer alıb. Bu səhnələr izləyicilər tərəfindən canlı olaraq izlənilib.

Hadisənin yayılmasının ardından sosial şəbəkələrdə çoxsaylı istifadəçilər gənc qızın davranışını tənqid edib. Xüsusilə ailə üzvlərinə yönəlmiş ifadələri kəskin reaksiyalara səbəb olub və görüntülər qısa müddətdə geniş auditoriyaya yayılıb.

Telegramda izləyin